Aaya Hai Alam



YouTube Link


Aaya Hai Alam Aur Alamdaar Na Aaya

Aaya Hai Alam Aur Alamdaar Na Aaya
Darya Se Dile Haidar E Qarrar Na Aaya.

Ghairat Ka Taqaza Hai Alamdar Ki Hasti
Bachhi Se Sharam Saar Wafadar Na Aaya.

Paani Ke Liye Bheja Alamdaar Ko Sheh Ne
Afsos Musal-Maanon Ko Itebaar Na Aaya.

Baazu Jo Katay Daanton Mein Mashqeeza Uthaya
Nazdeek Koi Sher Ke Ek Baar Na Aaya.

Har Laashay Pe Bhai Ka Madadgaar Tha Ghazi
Baad Uske Koi Sheh Ka Madadgaar Na Aaya

Jab Tak Wo Raha Chadar E Zainab Ka Muhafiz
Khaimay Ki Taraf Koi Sitamgaar Na Aaya.

Baazu Tha Jo Shabbir Ka Be Bazu Hua Wo
Be Dast Wo Dast E Shah E Abrar Na Aaya.

Zalim Ne Mere Gaalon Pe Mare Hain Tamache
Logon Mera Abbas Chacha Jaan Na Aaya.

Baazu Jo Katay Daanton Mein Mashqeeza Dabaya
Jab Mashq Chidi Phir Wo Hayaadar Na Aaya

Zainab Ne Kaha Dekh Rahi Hoon Mein Natija
Hogon Mera Abbas Chacha Jaan Na Aaya.

Jis Waqt Tamachay Hain Lagay Boli Sakina
Kya Mujh Pe Chacha Jaan Tumhain Pyaar Na Aaya.

Zindaan Mein Sakina Ko Dafan Kar Jo Diya Tha
Phir Dair Talak Hosh Me Bemaar Na Aaya.

Hai Mujh Ko Yakeen Naizay Pe Ghazi Ko Ye Gham Tha
Qabzay Mein Mere Shaam Ka Baazar Na Aaya.