Abbas Tera Haq Hai Zamana Tujhe Roye



YouTube Link


Abbas Tera Haq Hai Zamana Tujhe Roye
Jab Sham O Sahar Fatema Zahra Tujhe Roye

Durra Liye Pehre Pe Sitamgaar Khada Hai
Kaise Tere Laashe Pe Sakina Tujhe Roye

Jis Waqt Uthaya Na Gaya Laasha Jawan Ka
Sheh Us Ghadi Akbar Se Zyada Tujhe Roye

Zainab Ne Kaha Sham E Ghariban May Ay Ghazi
Be - Parda Mujhe Dekh Ke Baba Tujhe Roye

Sajde Ke Liye Jab Liya Haathon Ka Sahara
To Sajjad Musalle Pe Hamesha Tujhe Roye

Bin Haath Ke Kis Tarha Tu Ghode Se Gira Tha
Ye Sunke Bahot Ahle Madina Tujhe Roye

Mashkeeza Kahin Jism Kahin Haath Kahin Hai
Jaa Jaa Ke Kahan Fatema Zahra Tujhe Roye

Armaan Sakina Ka Tha Jitna Tujhe Roti
Sajjad Teri Qabr Pe Utna Tujhe Roye

Hashim Ke Qamar Kyun Na Tera Chahne Waala
Wa Shams Ka Padte Huwe Soora Tujhe Roye