Ay Nehrey Alqama



YouTube Link


Pyasa Hai Teen Roz Se Kunba Rasool Ka
Kuch Tujsay Door Bhi Nahi Pyason Ka Qafila

Aye Neheray Al Qama

Allah Ray Wafa E Alamdaar E Karbala
Qabza Kiya Furaat Par, Pani Nahi Piya

Hasrat Se Dekhtay Rahay Bachay Suway Furaat
Saqqa E Ahle Bayt Na, Khaimay Tak Aa Saka

Sukhi Huwi Zaban Se Beti Husain Ki
Apnay Chacha Ke Waastay, Karti Rahi Dua

Pani Kay Aik Ghoont Ka Karta Huwa Sawaal
Akbar Sa Nau Jawan Bhi, Pyasa Chala Gaya

Chay Maah Ke Sagheer Nay Khaya Sitam Ka Teer
Bano Ke Nau Nehaal Ko, Pani Nahi Mila

Tu Samnay Rawaa Thi Teray Hotay Sharm Kar
Pyasa Gaya Jahaa(N) Se, Nawasa Rasool Ka

Zehra Ke Nooray Ayn Ki Allah Tashnagi
Sukhay Galay Pe Shimr Ka, Khanjar Bhi Chal Gaya

Aayega Phir Palat Ke Na Zehra Ka Nooray Ayn
Ab Laakh Karwaten Lein, Woh Lamha Guzar Gaya

Zainab Ke Sar Se Cheen Raha Hai Rida Laeen
Abbas E Naamdaar Ko, Dedo Zara Sada