E Chand Muharram Ke Tu Badli



YouTube Link


Ay Chand Moharram Ke Tu Badli May Chala Ja
Tujhe Dekh Ke Marjaye Na Bemaar Hai Sughra

Ghar Zahra Ke Lutne Ki Khabar Tune Sunaayi
Tujhe Dekh Ke Roti Hai Moharram May Khudaai
Chauda Sau Baras Beete Sab Karte Hai Shikwa

Veerane Gharon May Na Isay Neend Hai Aati
Akbar Ki Judaai Hai Isay Khoon Rulaati
Khadmo Ke Nishan Dhaamp Ke Baithi Hai Sare Raah

Gin Gin Ke To Sughra Ne Ye Din Hai Guzaare
Zinda Hai To Akbar Ke Waadon Ke Sahaare
Din Raat Tadapti Hai Isay Aur Na Tadpa

Bhaiya Ki Judaai May Pareshan Hai Rehti
Har Roz Ye Nana Ko Ro Ro Ke Hai Kehti
Akbar Na Mila Nana Mai Marjaungi Tanha

Rone Nahi Dete Mujhe Raton Ko Musalman
Bemaar Se Behaal Kuch Roz Ki Mehmaan
Har Simt Hai Mujhko Ab Maut Ne Ghayra

Milne Ke Liye Bhai Ko Bechain Badi Hai
Kabse Ali Akbar Ke Ye Rahon May Khadi Hai
Bichdi Hai Ye Muddat Se Isay Tu Na Nazar Aa

Waada Jo Kiya Behan Ko Seene Se Laga Ke
Mai Shadi Karunga To Tere Paas Hi Aake
Mai Saat Moharram Ko Launtunga Na Ghabra

Behno Ka To Bhaiyo Se Rishta Hi Ajab Hai
Tum Bhool Gaye Mujh Ko Ye Kaisa Ghazab Hai
Is Aas Pe Zinda Hoon Dekhun Tera Chehra

Sughra Ke Naseebo May To Rona Hi Likha Hai
Har Baar Masooma Ko Mili Kaisi Saza Hai
Khat Aaya Na Akbar Ka Roti Rahi Sughra