Hasan Ka Hai

Kya Pooch Tay Ho Mujhse Kay Kya Kya Hasan Ka Hai
Jo Kuch Bhi Hai Khuda Ka Wo Saara Hasan Ka Hai
　
Hum Kya Hai Keh Raha Hai Ye Khud Deenay Mustafa
Mujhko Ali Kai Baad Sahara Hasan Ka Hai
　
Tabdeel Kar Kay Jins Hasan Ne Batadeya
Kehtay Hai Jisko Kun Wo Irada Hasan Ka Hai
　
Wajib Samaj Kay Karta Hoon Mai Tab Se Laanatay
Jab Se Mairey Nazar Mai Janaza Hasan Ka Hai
　
Is Khush Khati Se Chalti Hai Maidan E Jang Mai
Lagta Hai Zulfiqar Pe Saaya Hasan Ka Hai

Arzaq Key Laash Daikh Kar Boli Ye Fouj E Shaam
Allaha Ka Ghazab Hai Kay, Baita Hasan Ka Hai
　
Kehnay Ko Dha Deya Usay Alay Saoud Nai
Har Dil Mai Laiken Aaj Bhi Roaza Hasan Ka Hai
　
Allaha Say Ali Ko Mila Ab Virasatan
Sochay Agar To Khana E Kaaba Hasan Ka Hai
　
Kyu Kar Na Do Jahan Mai Tu Sarfaraz Ho
Ay Mir Teray Saath Hawala Hasan Ka Hai