Kaise Ho Musalmaan



YouTube Link


Kaisay Ho Musalman Charagho Ko Bujha Do
Shahzaadi E -Kaunain Khule Sar Hain Rida Do

Uthta Huwa Khaimo Se Dhua Dekhne Waalo
Islam Ke Ghar Me Hai Lagi Aag Bujha Do

Is Din Ke Liye Pala Tha Kya Binte Nabi Ne
Shabbir Ka Sar Kaat Ke Naize Pe Chadaa Do

Maa Dekh Na Le Sar Ko Kahi Bar Sar E -Naiza
Jis Per Hai Sar E -Asghar Zara Door Hata Do

Ye Shaam Ka Baazar Muhammad Ki Nawaasi
Urya Sar E -Islam Hai Chaadar To Udha Do

Ghabra Ke Tamaacho Se Ye Kahti Thi Sakina
Achchi Phuphi Amma Mere Ammu Ko Bula Do

Kya Tumme Koi Sahibe -Aulad Nahi Hai
Bachchi Hai Na Is Tarah Tamaacho Ki Sazaa Do

Shabbir Ke Matam Ki Sadaa Goonj Rahi Hai
Uthho Meri Aawaaz Se Meri Aawaaz Mila Do