Kis Tarha Apni Tabahi Ki Khabar Le Jayi
Kis Tarha Apni Tabahi Ki Khabar Lai Jayai.
Saath Zainab Kai Bacha Kya Hai Jo Ghar Lai Jaayai.
Lai Gayee Baap Ka Saya To Saron’ Sai Un Kai
Ab Yateemon Ko Hava Chahai Jidher Lai Jayai.
Aik Do Ghaar Kai Charagon Ko Bujha Dai Laikin
Cheen Kaar Koee Na Umeedain’, Sahar Lai Jaayai.
Paon Zakhmi Hain’ To Raahon’ Main Hain’ Pathar Kaantay
Jaanay Abid Ko Kahan Tak Yeh Safar Lai Jayai.
Boli Hongi Ali Akbar Ko Saja Ker Zainab
Chaand Ko Merai Kissi Ki Na Nazar Lai Jaayai.
Sochti Hogi Yeh Bano Mera Bach Jayai To Haal
Hurmula Mujh Sai Maira Lab-E-Jiger Lai Jaayai.
Runn Ki Aankhon’ Sai Sulagtay Huwai Is Maqtal Main
Laash Bachon’ Ki Kai Shabbir Ka Sar Lai Jayai.
Shaiyari Ki Meri Maiyaar Yehi Ho Gi Nazeer
Zikr-E-Sarwar Main Mout Agar Lai Jaayai.