Kya Tum Mere Hussain Ho



YouTube Link


Pathar Hata Ke Lash Se Zainab Ne Di Sada.
Kya Tum Mere Hussain Ho

Kaisay Paray Hain Jism Ke Tukray Juda Juda.
Kya Tum Mere Hussain Ho

Haye Haye Mere Ghareeb Ka Kya Haal Kar Diya
Ghoron Se Lasha Dasht Mein Pamal Kar Diya.
Pehchano Kis Tarha Se Badan Se Hai Sar Juda

Pehchan Loon Gi Main Tumhein Aawaz Mujh Ko Do.
Dam Tortay Jo Dekha Hai Kariyal Jawan Ko
Aankhon Mein Ab Behan Ki Uiala Nahi Raha.

Pehchanna Tumharey Liye Bhi Kathin Howa.
Dekha Hai Pehli Bar Jo Zainab Ko Be Rida.
Aati Hai Sharam Jald Bata Do Mujhe Zara

Karta Raha Hai Zibha Ki Koshish Kahan Kahan.
Khanjar Ke Hain Kati Hoi Gardan Pe Bhi Nishaan.
Kata Hai Kis Tarha Se Sitamgar Ne Gala

Kya Le Gaye Hain Loat Ke Sab Kuch Yeh Ashqiya
Tan Par Bacha Hai Maa Ka Yeh Kurta Sila Howa.
Nikley They Jab Khiyam Se Yeh Haal Tu Na Tha.

Aahista Se Jawab Do Hai Sath Oss Ki Maa.
Kya Ab Tumharey Pas Hai Masoom Be Zabaan.
Nana Sa Lasha Kis Ka Yeh Seene Pe Hai Rakha

Dekho Bandhi Hain Hathoon Mein Mere Bhi Rasiyaan
Ab Our Lo Behan Ki Na Ghurbat Ka Imtehaan.
Kuch Tu Jawab Do Mujhe Sughra Ka Wasta.

Woh Bhi Tumhari Tarha Se Zakhmi Na Ho Kahin.
Dil Ko Mere Yeh Lagta Hai Mojood Hai Yahin.
Aati Hai Maa Ke Roney Ki Nazdeek Se Sada.