Na Alam Na Chacha Na Shahe Karbala, Sham Hogayi



YouTube Link


Na Alam Na Chacha Na Shah-E-Karbala Shaam Ho Gayi.
Jo Bhi Ghar Se Gaya Wo Na Phir Aa Saka Shaam Ho Gayi.

Raah Takti Rahi Shiddat-E-Pyaas Mein.
Kat Gaya Din Isi Aas Hee Aas Mein.
Koi Aaya Nahi Jaane Kya Ho Gaya.
Shaam Ho Gayi.

Pani Lenay Gayay Deyr Kyun Ho Gayi.
Din Dhala Aye Chacha Shaam-E-Gham Aa Gayi.
Khushk Hai Aye Chacha Mera Ab Tak Gala.
Shaam Ho Gayi.

Kis Ko Awaaz Doo’N Hoo Ke Maidaan Mein.
Kaun Hai Jo Sunay Is Bayaabaan Mein.
De Rahi Hoo’N Tumhain Jaanay Kab Se Sada.
Shaam Ho Gayi.

Laut Aao Ke Paani Nahi Chahiye.
Khao Mujh Par Taras Ab Khuda Ke Liye.
Mashk Khaali Hi Le Aao Ab To Chacha.
Shaam Ho Gayi.

Jaakay Maidaa’N Mein Baba Bhi Aaye Nahi.
Ab To Jhoolay Mein Asghar Bhi Haaye Nahi.
Khaima Jalta Hai Yu’N Jaisay Koi Diyaa.
Shaam Ho Gayi.

Ro Rahi Hai Phupphi Chin Gayi Hai Ridaa.
Maartay Hain Tamaachay Mujhe Ashkiyaa.
Khaima Jalta Hai Yu’N Jaisay Koi Diyaa.
Shaam Ho Gayi.

Baazuoa’N Mein Rasand Baandhnay Aa Gayay.
Khainch Ke Le Gaye Durr Mere Kaan Se.
Ho Gaya Khoo’N Se Tar Saara Kurta Mera.
Shaam Ho Gayi.

Lo Chacha Su-E-Zindaa’N Chali Ghamzada.
Alvida Alvida Aye Qateel-E-Jafa.
Lijiye Aap Se Ho Rahi Hoon Juda.
Shaam Ho Gayi.

Noha Rehaan Majlis Mein Sun Ke Tera.
Chashmay Giryaa’N Ko Ye Hosh Kab Hi Raha.
Kab Sehar Ho Gayi Aur Kab Din Dhala.
Shaam Ho Gayi.