Ran Se Aakar Ali Akbar Ne Jo Maanga Paani



YouTube Link


Ran Se Aakar Ali Akbar Nay Jo Maanga Paani

Shiddat E Gham Se Hua Sheh Ka Kaleja Paani

Voh Toh Dunya Ko Dekhana Theen Adavat Ki Hadein
Kaun Kehta Hai Kay Baysheer Nay Maanga Paani

Mooh Chupaye Huay Phirta Hai Zameen Kay Neechay
Karbala Walon Se Sharminda Hai Kitna Paani

Ek Pyaasay Ka Ye Paygham Hai Dunya Sunlay
Yaad Karlena Mujhay Peena Jo Thanda Paani

Dushman E Aalay Payambar Toh Hon Sayraabe Furaat
Aur Kehta Rahay Ahmed Ka Nawaasa Paani

Haq Se Kar Daytay Agar Pyaas Ka Shikwa Asghar
Roz E Ashoor Nazar Aati Ye Dunya Paani

Ashqiya Kehtay Thay Sarwar Se Na Dengay Qatra
Aaj Hojaye Agar Saara Zamana Paani

Aas Deti Thi Sakina Yehi Har Bachay Ko
Run Se Aatay Hain Chacha Sab Ko Milega Paani

Baaday Asghar Yehi Kehti Rahi Ek Ek Se Rubab
Nanhi Turbat Pay Churak Aati Jo Milta Paani

Kufa O Shaam Ki Raahon Mein Har Ek Manzil Par
Maangti Hi Rahi Ek Se Sakina Paani

Kehliya Kehnay Ko Tumnay Bhi Mujahid Ye Salam
Khoobtar Hazrat E Saalik Nay Kaha Tha Paani

Dushmanon Nay Bhi Agar Dil Se Kaha Haaye Husain
Unn Ki Aankhon Se Barastay Huay Dekha Paani

Paani Chullu Mein Hai Lekin Hai Nazar Khayma Par
Imtehaan Leta Hai Pyaasay Ki Wafa Ka Paani

Moutiyon Se Bhi Giraan Qadar Hain Ye Pesh E Khuda
Aansuon Ko Meray Samjha Karay Dunya Paani