Saqa e Sakina Abbas Abbas



YouTube Link


Saqa E Sakina Abbas Abbas
Zainab Ka Sahara Abbas Abbas

Gaalon Pe Tamachey Yuhin Khaati Thi Sakina
Ro Roke Fakat Tumko Bulati Thi Sakina
Aajaao Khudaraa Abbas Abbas

Tum They Meri Chadar Ki Muhafiz Mere Bhaiyya
Tum Soo Gaye Maidan Me Mera Chin Gaya Parda
Sar Khul Gaya Mera. Abbas Abbas

Sunti Hoon Ke Darya Pe Hua Qabza Tumhaara
Aye Bhaiyya Magar Khaimon Talak Paani Na Aaya
Pyaasi Hai Sakina Abbas Abbas

Shabbir Ka Sar Pusht Se Jab Kaata Gaya Tha
Khanjar Ke Tale Bhai Ne Do Baar Kaha Tha
Aao Mere Bhaiyya Abbas Abbas

Dekho To Zara Lutt Gayi Sarkar E Hussaini
Taaraj Hua Asr Ko Darbare Hussaini
Hum Ho Gaye Tanhaa Abbas Abbas

Jo Kaam Tumhara Tha Kiya Mene Wo Bhaiyya
Haan Shaam E Ghareeban Me Haram Ka Diya Pehra
Dil Kehta Tha Mera Abbas Abbas

Allah Kisi Ko Bhi Dikhaye Na Ye Manzar
Beparda Behen Bhai Ka Sar Noke Sina Par
Aur Bhai Bhi Aesa. Abbas Abbas

Aata Hai Nazar Neze Pe Jab Sar Ye Tumhara
Kis Tarha Kahun Dilpe Guzarti Hai Mere Kya
Phat Ta Hai Kaleja Abbas Abbas

Majid Gham E Abbas E Jari Kesa Alam Tha
Jo Bain The Zainab Ke Wo Me Likh Nahi Sakta
Zainab Ka Tha Nauha Abbas Abbas