Go To All Lyrics

Switch to Read Only Mode

Ye Janaza Hai Ali Ka

YouTube Link

Recitation at 3:30

Second Link

Ye Janaza Hai Ali Ka Shaahe Khaibargeer Ka
Ye Janaza Hai Ali Ka

Aaj Baba Mar Gaya Hai Shabbar O Shabbir Ka

Fatema Zehra Ke Marqad Se Sadaa Aane Lagi
Hay Sada Aane Lagi
Ye Masaaeb Reh Gaya Tha Kya Meri Taqdeer Ka

Ya Rasulallah Ye Jibreel Ne Ro Kar Kaha
Haye Ye Ro Kar Kaha
Ek Halqa Aur Tuta Noor Ki Zanjeer Ka

Kyun Chalaayi Tegh Haidar Par Bine Muljim Bataa
Ay Bine Muljim Bataa
Qatl Quraan Kar Diya Qaata Galaa Tafseer Ka

Gham Ali Ki Betiyon Ke Phir Se Taaza Ho Gaye
Haye Taaza Ho Gaye
Gham Abhi Bhuli Kahaan Thi Maadare Dilgeer Ka

Nazr Me Jaane Ali Ko Kya Khayaal Aata Raha
Hay Khayal Aata Raha
Mun Kabhi Zainab Ka Dekha Aur Kabhi Shabbir Ka

Betiyon Ko Dekhte Hain Aur Rote Hain Ali
Haye Rote Hain Ali
Haay Wo Zaalim Tasawwur Shaam Ki Tashheer Ka

Chote Se Abbas Bhi Rote Hain Sar Ko Peet Kar
Haye Sar Ko Peet Kar
Bachpana Abbas Ka Aur Zakhm Dil Par Teer Ka

Baap Ki Mayyat Se Zainab Ka Lipat Na Baar Baar
Hay Lipat Na Baar Baar
Dil Hila Deta Tha Rona Shah Ki Hamsheer Ka